Gemau

Munud i'w sbario? Rho gynnig ar ein dewis o gemau.

Gemau rhyngweithiol yn ymwneud â bwyta'n iach a diogelwch bwyd

Rhowch gynnig ar gemau'r FSA sy’n ymwneud â bwyta'n iach a diogelwch bwyd. Yn addas i blant 5 i 11 oed.

Tân 'dani! Rhowch gynnig ar ein gêm barbeciw

Ydy'r cig wedi'i goginio'n iawn?

Byddwch yn cŵl! Llenwch yr oergell

Gwnewch yn siŵr fod y bwyd wedi'i storio'n ddiogel ac nad oes unrhyw beth yn diferu heintiau cas.

Llenwch eich plât!

Dysgwch beth sy'n gydbwysedd iach o fwyd.

Brenin y brecwast!

Dewisa ddau beth i’w bwyta a rhywbeth i’w yfed i frecwast a dysga beth mae Cen yn ei feddwl am dy ddewis. Ateba’r cwestiynau wrth i ti chwarae i gael gweld a wyt ti’n deall dy bethau am frecwast!

Wrth argraffu’r dudalen adborth, cofia newid fformat y dudalen i ‘Landscape’.

FSA Cymru: 5 Uchel!

Gemau cyfrifiadurol rhyngweithiol ac arbedwyr sgrîn yw ‘5 uchel’, wedi’u hanelu at ferched a bechgyn rhwng 11 a 14 mlwydd oed. Mae Betys Siwgr ac Alff Alffa yn dangos i ddefnyddwyr sut mae bwyta deiet iach a chytbwys, gyda digonedd o ffrwythau a llysiau, yn rhoi’r lefelau egni uchaf posib iddyn nhw.

Alff Alffa

Ciplun o Alff Alffa

Betys Siwgr

Ciplun o Betys Siwgr

Germau ar Daith

Mae’r teulu germau wedi’u gwahanu ym Maes Awyr Cyw Iâr Amrwd. Helpwch Dad i gasglu pawb at ei gilydd, er mwyn iddyn nhw ddal eu hawyren i’r Costa Del Colon. Ond cofiwch osgoi'r diheintydd!

Twrci Gwyllt

Mae twrci slei wedi torri i mewn i'r tŷ ac yn bygwth creu hafoc ac amharu ar eich dathliadau. Estynnwch am beth bynnag sydd wrth law i’w defnyddio fel arfau i ddysgu gwers neu ddwy i’r twrci gebyst.

Ewch wyneb yn wyneb â'r cyfaill craff drwy chwarae'r gêm.

Gweithdy genynnau

Gallwch roi eich hun a’r hyn rydych chi’n ei wybod am y broses o addasu genetig ar brawf yn ein gêm hwyliog ‘gweithdy genynnau’. Wedi ichi fynd drwy’r broses gyda'r athro a’i gynorthwy-ydd, tybed a allwch chi roi’r delweddau yn y drefn gywir yn y pôs GM?

Anwen a Robin

Helpwch Anwen a Robin i gynllunio deiet cytbwys am ddiwrnod.

Gwnewch blât o fwyd cytbwys

Ydych chi’n gwybod beth yw'r grwpiau bwyd? Yn syml, llusgwch y bwydydd wrth iddyn nhw ymddangos i'r rhan gywir o'r plât. Dylai symud y cyrchwr dros wahanol rannau lliw y plât ddangos enwau pob grŵp bwyd. Pob lwc!

Bocs bwyd iach

Allwch chi wneud bocs bwyd iach? Yn syml, llusgwch y bwyd rydych chi’n tybio sy'n iach ymlaen i'r briwfwrdd i weld a yw'n gytbwys. Mwynhewch!

Rhowch drefn ar y prydau

Yn y gêm hon, bydd angen ichi lusgo'r cynhwysion o bob pryd bwyd i'r grŵp bwyd cywir.