Fitamin B12

Mae fitamin B12 i’w ganfod mewn bron i bob cynnyrch cig ac mewn rhai mathau o algâu fel gwymon. Mae ffynonellau da yn cynnwys cig, eog, penfras, llaeth, caws, wyau, rhin burum, a rhai grawnfwydydd brecwast cyfnerthedig.

Faint sydd ei angen arna'i?

Mae fitamin B12 yn fitamin sy’n toddi mewn dŵr.

Mae angen tua 0.0015mg ar oedolion bob dydd.

Os wyt ti'n bwyta cig, pysgod neu gynhyrchion llaeth, mae'n debygol dy fod yn cael digon o fitamin B12 yn dy ddeiet.

Fodd bynnag, gan nad yw fitamin B12 yn bresennol mewn bwydydd llysieuol (fel ffrwythau, llysiau a grawn), efallai nad yw figaniaid yn cael digon o’r fitamin hwn, a’u bod yn dioddef o ddiffyg fitamin B12.

Beth mae’n ei wneud?

Mae gan fitamin B12 sawl swyddogaeth bwysig. Er enghraifft, mae’n:

• helpu i wneud celloedd coch y gwaed a chadw’r system nerfol yn iach
• helpu i ryddhau egni o’r bwyd yr ydym yn ei fwyta
• mae'n hanfodol er mwyn prosesu asid ffolig

Beth sy’n digwydd os ydw i’n cael gormod?

Nid oes digon o dystiolaeth i wybod beth fyddai effeithiau cymryd dos uchel o fitamin B12 bob dydd.

Beth yw cyngor yr ASB?

Dylet allu cael yr holl fitamin B12 sydd ei angen arnat drwy fwyta deiet amrywiol a chytbwys. Ond os wyt ti'n penderfynu cymryd atchwanegiadau fitamin B12, mae’n syniad da peidio â chymryd gormod gan y gallai hyn fod yn niweidiol.

Nid yw cael 2 mg neu lai o atchwanegiadau B12 y dydd yn debygol o achosi unrhyw niwed.