Mae ychydig o fraster yn ein deiet yn helpu’r corff i amsugno rhai fitaminau. Mae braster yn ffynhonnell dda o egni ac yn rhoi i ni asidau brasterog hanfodol na all y corff eu cynhyrchu ei hun. Ond mae bwyta gormod o fraster yn gallu gwneud i ti fagu pwysau gan fod bwydydd sy’n uchel mewn braster hefyd yn uchel mewn egni (calorïau). Mae bwyta deiet sy’n uchel mewn braster dirlawn yn gallu cynyddu lefel y colesterol yn dy waed dros amser, sy’n cynyddu’r perygl o ddatblygu clefyd y galon. Felly mae’n bwysig dy fod yn ceisio bwyta llai o fraster a dewis bwydydd sy’n llawn brasterau annirlawn yn lle braster dirlawn. Mae’r adran hon yn cynnwys rhagor o wybodaeth am wahanol fathau o fraster.