Pêl-droed y Sêr 2006

Roedd y sêr a fu’n chwarae pêl-droed i godi arian ar gyfer elusennau ym mis Mai yn cynnwys Nikki Sanderson o Coronation Street a Michelle o The Apprentice.

Cynhaliwyd digwyddiad Pêl-droed y Sêr yn St Andrew’s, cartref tîm pêl-droed Birmingham City, ddydd Sul 14 Mai ac yn Upton Park, cartref tîm pêl-droed West Ham United, ar 21 Mai.





Y tîm buddugol yn Upton Park yng nghystadleuaeth y merched oedd tîm Liberty X, a oedd yn cynnwys Liz McLarnon, gynt o Atomic Kitten, Nikki Sanderson o Coronation Street, Lady Sovereign, Kate Lawler o Big Brother, y model Vivianna a Charlie Murray o’r rhaglen deledu Shipwrecked.

Yn y ffeinal, roedd tîm Liberty X yn fuddugol dros dîm Clea, a oedd yn cynnwys aelodau’r grŵp Clea, sêr o’r rhaglen deledu Beauty and the Geek a’r modelau Jakki Degg a Leilani.

Yng nghystadleuaeth y dynion, ychydig iawn oedd i’w ddewis rhwng y timau ond, yn y pen draw, cipiwyd y tlws gan dîm Hollyoaks, a gurodd dîm Beauty and the Geek ar giciau o’r smotyn ar ôl gêm gyfartal 2-2.

Dyma rai o’r sêr a fu’n cymryd rhan:

Hollyoaks - Nick Pickard, Ashley Taylor Dawson, Chris Fountain, Gary Burnett	Shipwrecked - Sam Bush, Crawford Anderson, Chris Braine
Mikey Green (Phixx)	Andy Scott Lee
Oliver & James Phelps (Weasley Twins)	Mike McClean
Mark Smith (Gladiator)	Mike Parfitt
Tamar Hassan	Danny John Jules
Danny Dyer	Jeff Brazier
Alex Lawler	Princess Tamara
Rhino (Gladiator)	Lady Sovereign
Big Brother - Kate Lawler, Saskia, Maxwell, Dan, Michelle Bass	Goldie Lookin Chain - Maggot, Mike Balls, Eggsy ac ati
Liberty X	Clea
Son of Dork	Dirty Sanchez
Various DJs	Holby City stars
The Bill	Beauty and the Geek (cystadleuwyr)
Syed (The Apprentice)	Chris Greener
James Bourne (Busted)	Starsailor
Lucy Pinder	Jakki Degg
Vivianna

Mae eatwell yn noddi timau’r merched eleni ac yn hyrwyddo’r ffaith, os ydych chi am edrych a theimlo ar eich gorau, bod angen i chi gofio’r negeseuon syml canlynol:

• Bwytwch frecwast
• Bwytwch fwy o ffrwythau
• Yfwch ddŵr

O flaen torf fywiog a brwdfrydig o tua 5,000 yn stadiwm St Andrew’s yn Birmingham, bu timau o sêr yn cymryd rhan mewn Cwpan Byd Pêl-droed y Sêr, gyda phob tîm yn cynrychioli gwlad ac yn gwisgo lliwiau’r wlad honno.

Roedd twrnamaint Birmingham, a ddarlledwyd yn fyw ar deledu lloeren, yn codi arian ar gyfer y Samariaid ac yn hyrwyddo negeseuon eatwell.

Y newyddion drwg yw nad Cymru enillodd, ond llwyddodd timau Lloegr i gyrraedd y ffeinal yng nghystadlaethau’r dynion a’r merched.

Yng nghystadleuaeth y merched, Brasil oedd yn fuddugol, gan guro Lloegr 2-1. Lloegr aeth ar y blaen pan sgoriodd y model Vivianna, ond daeth Brasil yn gyfartal gyda chic o’r smotyn gan Amee o’r grŵp Clea. Cafwyd diweddglo cyffrous gyda Brasil yn sgorio’r gôl dyngedfennol yn y munudau olaf.

Roedd tîm Lloegr yn cynnwys Nikki Sanderson, Rebecca Loos, Michelle Dewberry (enillydd The Apprentice) a Michelle Heaton o Liberty X yn y gôl. Caprice oedd rheolwraig y tîm.

Yr Eidal, dan arweiniad eu rheolwr Aldo Zilli, enillodd ffeinal y dynion, gan guro Lloegr 1-0 gyda gôl yn y funud olaf. Roedd tîm yr Eidal yn cynnwys Kasabian a Guy Burnett o Hollyoaks. Roedd tîm Lloegr yn cynnwys Lee Sharpe, Justin Hawkins, Jeff Brazier, Tony Christie, Derek Acorah, Chris Fountain a Nick Pickard o Hollyoaks.

Dyma rai o’r sêr eraill a fu’n cymryd rhan yn nhwrnamaint Birmingham::

Syed (The Apprentice)	Paul Tulip (The Apprentice)
Jimmy Carr	Chris Greener
James Bourne (Busted)	Shane Lynch (Boyzone)
Bez (Happy Mondays)	Starsailor
Makosi and Kinga o Big Brother	Jakki Degg

Meddai Nikki: 'Mae’n wych cymryd rhan yn nhwrnamaint Pêl-droed y Sêr ac eatwell. Mae’n bwysig bod merched yn eu harddegau’n edrych ar ôl eu cyrff, ac mae bwyta deiet cytbwys yn rhan bwysig o hynny.

'Mae llawer o bwysau ar ferched i "fod yn denau" ond mae teimlo’n dda a bod yn iach yn llawer mwy pwysig.

'Nid oes rhaid i fwyta’n iach fod yn gymhleth. Bydd newidiadau bach, fel bwyta brecwast a bwyta banana yn lle bar o siocled bob dydd, yn gwneud gwahaniaeth mawr.

'Mae bod yn egnïol yn bwysig hefyd, a gobeithio y bydd Pêl-droed y Sêr yn ysbrydoli llawer o ferched i gadw’n heini trwy chwarae pêl-droed yr haf hwn!'

Meddai Liz McLarnon: 'Rwy’n credu ei bod hi’n bwysig iawn dangos i ferched yn eu harddegau pa mor hawdd yw bwyta’n iach. Nid yw’n golygu osgoi prydau neu gyfrif calorïau – mae angen bwyta bwyd da sy’n darparu’r egni, y fitaminau a’r mwynau sydd eu hangen arnoch chi.

'Rwy’n gweld llawer o ferched yn dilyn deiet caeth sy’n gwneud iddyn nhw deimlo’n drist ac yn flinedig. Mae cymryd rhan yn nhwrnamaint Pêl-droed y Sêr yn ffordd wych o ddangos i bobl ifanc yn eu harddegau bod bwyta’n iach yn hanfodol i’w hiechyd. Yn sicr, mae angen tipyn o egni arnoch chi i redeg o gwmpas cae pêl-droed!'

Eleni, mae twrnamaint Pêl-droed y Sêr, a gynhelir gan Cup Promotions ac a noddir gan eatwell, yn codi arian ar gyfer y Samariaid, yr Ymddiriedolaeth Elusennau a Help a Local Child.

Os ydych chi’n hoffi chwaraeon, darllenwch gyngor Dawn Scott, gwyddonydd ymarfer corff yr FA, gan gynnwys:

• sut i gael y gorau o’ch sesiynau ymarfer
• sut i wneud yn siŵr bod eich lefelau ffitrwydd yn addas ar gyfer yr her o chwarae pêl-droed
• cyngor ar deithio gyda’ch tîm lleol neu ysgol

Cliciwch yma i weld cyngor yr FA

Gallwch ddysgu sut i edrych a theimlo ar eich gorau, gan gynnwys cynllun prydau wythnos, trwy fwrw golwg ar yr adran i bobl ifanc yn eu harddegau.