Plât bwyta’n iach

Os wyt ti am gael y cydbwysedd cywir yn dy ddeiet, defnyddia'r plât bwyta’n iach.

Mae’r plât bwyta’n iach yn ei gwneud hi’n haws i ddeall bwyta’n iach drwy ddangos y mathau o fwyd a faint o bob math y dylem fod yn ei fwyta i ddilyn deiet iach a chytbwys.

I weld fersiwn mwy o’r plât bwyta’n iach, clicia ar y llun neu dilyna'r ddolen am fersiwn pdfMae’r plât bwyta’n iach yn dangos faint o fwyd y dylet ti ei fwyta o bob grŵp bwyd gwahanol. Mae hyn yn cynnwys popeth rwyt ti’n ei fwyta yn ystod y dydd, yn cynnwys byrbrydau.

Felly, ceisia fwyta:

digon o ffrwythau a llysiau

digon o fara, reis, tatws, pasta a bwydydd eraill â starts - dewisa fathau grawn cyflawn lle bo hynny’n bosibl.

rhai cynhyrchion llaeth

rhai cigoedd, pysgod, wyau, ffa a ffynonellau eraill o brotein nad ydynt yn gynnyrch llaeth

ychydig bach o fwydydd a diodydd sy’n uchel mewn braster a/neu siwgr

Edrycha ar y plât bwyta’n iach i weld faint o’th fwyd ddylai ddod o bob grŵp bwyd. Nid oes rhaid i ti gael y cydbwysedd yn gywir ym mhob pryd, ond ceisia ei gael yn iawn dros y diwrnod cyfan neu’r wythnos.

Ceisia ddewis bwyd sy’n cynnwys llai o fraster, halen a siwgr lle bo hynny’n bosibl.

Wyt ti wedi gweld ein 8 awgrym bwyta’n iach?

Darllenwr Adobe Acrobat Efallai bod angen Acrobat Reader arnat ti i weld pdf (clicia ar y ddolen i’w lawrlwytho yn rhad ac am ddim)