Alergedd ac anoddefiad bwyd

Os wyt ti'n meddwl bod gennyt alergedd neu anoddefiad tuag at fwyd, mae’n bwysig cael diagnosis priodol. Paid â thorri grwpiau o fwydydd o’th ddeiet heb gael cyngor meddygol yn gyntaf, rhag ofn na fyddi di'n cael digon o faethynnau pwysig.

Mae'r adran hon yn rhoi rhagor o wybodaeth am alergeddau ac anoddefiadau bwyd, gan gynnwys y gwahaniaeth rhyngddynt a'r bwydydd mwyaf cyffredin sy'n achosi adweithiau. Ceir hefyd gyngor ymarferol ar yr hyn i chwilio amdano wrth brynu bwyd neu fwyta allan.