Mae canser yn glefyd sy'n effeithio ar gelloedd y corff. Fel arfer, bydd celloedd iach yn ymrannu pan fydd angen eu hamnewid. Ond pan fydd ein DNA (y deunydd genetig yn ein celloedd) yn cael ei ddifrodi, mae’r celloedd yn parhau i ymrannu tan i lwmp neu diwmor ddatblygu. Mewn rhai achosion, gall y tiwmorau hyn ymledu i rannau eraill o’r corff.

Gallwn helpu i leihau’r risg o ddatblygu canser drwy fwyta deiet cytbwys ac iach sy’n isel mewn braster (yn arbennig braster dirlawn),yn isel mewn halen a siwgr, yn cynnwys digon o ffrwythau a llysiau a digon o fwydydd â starts grawn cyflawn.

Mae’r adran hon yn esbonio beth sy’n achosi canser, sut y gall ein deiet a’n ffordd o fyw effeithio ar y perygl o ddatblygu mathau penodol o ganser, a hefyd yn darparu gwybodaeth am y pedwar math mwyaf cyffredin o ganser: canser y fron, canser yr ysgyfaint, canser y colon a’r rhefr a chanser y prostad.