Bwyta dy ffordd i brydferthwch

Rydym ni wedi ymuno â chylchgrawn Sugar i lunio cynllun bwyta iach i ferched go iawn sydd ag archwaeth go iawn.

Dy gynllun wythnosol

Yn ôl Sam Montel, ein harbenigwr maeth ar-lein: ‘Gelli di ddewis a dethol unrhyw rai o’r prydau isod i lunio wahanol fwydlenni wythnosol a sicrhau dy fod yn cadw dy gorff yn heini tra’i fod yn tyfu – y tu mewn a’r tu allan.’

Dydd Llun

Fe alleti ti ddechrau’r wythnos â gwydraid o sudd oren a powlen fawr o rawnfwyd gyda llaeth hanner sgim ac un llond llwy fwrdd o resins i gael brecwast blasus.

Byrbryd canol bore

• Potyn o bwdin reis braster isel
• Diod o sgwash

Cinio

• Taten drwy’i chroen gyda llwy de o farjarîn neu fenyn a ffa pob
• Carton o sudd afal
• Llond llaw o rawnwin

Byrbryd

• Dwy dafell o dorth frag gyda marjarîn/menyn

Swper

• Porc neu gyw iâr wedi’i dro-ffrïo gyda brocoli a phuprynnau, gyda reis wedi’i ferwi neu nŵdls
• Potyn o iogwrt ffrwyth neu fromage frais

Dydd Mawrth

Dechreua dy ddydd Mawrth â gwydraid o sudd oren wedi'i ddilyn â wy wedi’i ferwi a dwy dafell o dost gwenith cyflawn gyda marjarîn neu fenyn.

Byrbryd canol bore

• Banana
• Diod o ddŵr neu sgwosh

Cinio

• Salad tiwna, india-corn a phasta
• Potel o ddŵr neu garton o sudd oren
• Dwy eirinen

Byrbryd

• Dysgl o rawnfwyd gyda llaeth hanner sgim

Swper

• Spaghetti Bolognese gyda salad gwyrdd cymysg
• Potyn o jeli (heb siwgr)

Dydd Mercher

Am frecwast canol wythnos, cer am wydraid o sudd pîn-afal cyn dechrau ar bowlen fawr o rawnfwyd gyda llaeth hanner sgim a banana wedi’i sleisio.

Byrbryd canol bore

• Afal a diod o ddŵr neu sgwosh

Cinio

• Dwy dafell o bizza oer gyda salad cymysg
• Potel o ddŵr neu garton o sudd afal
• Powlen o fefus

Byrbryd

• Pot o iogwrt, gwydraid o sudd ffrwyth neu sgwosh

Swper

• Cacennau pysgod eog gyda moron, pys a thatws newydd wedi’u berwi
• Pot o mousse siocled braster isel

Dydd Iau

I frecwast heddiw, cer am bagel wedi’i dostio gyda menyn pysgnau neu sbred ffrwythau sy'n isel mewn siwgr, a gwydraid o sudd pîn-afal neu afal.

Byrbryd canol bore

• Gellygen
• Diod o ddŵr neu sgwosh

Cinio

• Bara pitta gwenith cyflawn wedi’i stwffio â chyw iâr rhost a choleslaw
• Potel o ddŵr neu garton o sudd oren
• Llond llaw o rawnwin

Byrbryd

• Bara ceirch, hwmws, moron amrwd, tomatos ceirios, stribedi o buprynnau coch
• Diod iogwrt â blas

Swper

• Byrger llysieuol gyda thaten drwy’i chroen, ratatouille a llond llwy fwrdd o gaws wedi’i gratio
• Banana wedi’i sleisio gydag un sgŵp o hufen ia

Dydd Gwener

Beth am ddydd Gwener llawn ffrwythau? Rho gynnig ar afal i frecwast gyda gwydraid o sudd pîn afal neu oren, ac yna powlen o fiwsli gyda llaeth hanner sgim.

Byrbryd canol bore

• Banana
• Diod iogwrt

Cinio

• Brechdan wy wedi’i ferwi a berwr ar fara gwenith cyflawn
• Potel o ddŵr neu garton o sudd pîn afal
• Bocs bach o resins

Byrbryd

• Tafell o gacen banana neu gacen foron
• Gwydraid o laeth â blas siocled

Swper

• Pasta gyda thwrci, pys ac india-corn
• Pot o iogwrt ffrwythau neu fromage frais

Dydd Sadwrn

Mae’r penwythnos ar y gweill! Felly cer ati i baratoi dau ŵy (wedi’u berwi, eu sgramblo neu eu potsio), dwy dafell o dost gwenith cyflawn neu granari gyda sbred o’th dewis, ac yna cymer wydraid o sudd oren.

Byrbryd canol bore

• Dwy fisged blaen

Cinio

• Wrap cyw iâr tikka a salad
• Potel o ddŵr neu garton o sudd afal
• Dwy eirinen

Byrbryd

• Smwddi siocled a banana (rhoh un fanana wedi’i sleisio, dwy lond llwy de o siocled yfed, 150ml o laeth hanner sgim a 150ml o iogwrt mewn cymysgydd bwyd, a’u cymysgu nes ei fod yn hylif llyfn)

Swper

• Byrger cig eidion cartref (wedi’i wneud o gig eidion heb lawer o fraster), sglodion popty, pys ac india-corn cyfan (corn on the cob)
• Salad ffrwythau ffres yn cynnwys satswma, afal, lond llaw o rawnwin a gellygen

Dydd Sul

Beth sy'n well ar fore Sul hamddenol na brechdan cig moch wedi’i grilio a thomato? Defnyddia dost gwenith cyflawn neu granari, a smwddi banana (rho un fanana wedi’i sleisio, 150ml o laeth hanner sgim a 150ml o iogwrt mewn cymysgwr bwyd, a’u cymysgu nes eu bod yn hylif llyfn).

Byrbryd canol bore

• Un afal
• Diod o ddŵr neu sgwosh

Cinio

• Cawl (llysiau/fcorbys/tomato neu foron) a rhôl gwenith cyflawn
• Potel o ddŵr neu garton o sudd oren
• Pot o iogwrt a llond llaw o rawnwin

Byrbryd

• Tafell o gacen foron
• Gwydraid o laeth â blas

Swper

• Cyw iâr rhost, tatws newydd wedi’u berwi, grefi a llysiau o’th ddewis
• Crymbl afal a chwstard (wedi’i wneud â llaeth hanner sgim)

Byrbrydau blasus

Os bydd chwant bwyd arnoch chi, paid â mynd am y jar bisgedi – cer am y rhain yn lle...

• Llond llaw o ffrwythau sych a chnau
• Salad ffrwythau ffres
• Potyn o bwdin reis
• Dysgl o rawnfwyd cyflawn gyda llaeth hanner sgim
• Bar grawnfwyd
• Houmous gyda darnau o lysiau amrwd a pretzels
• Sgŵp o iogwrt wedi’i rewi

Bwyd cyflym

Mae bwyd cyflym yn iawn i’w gael fel trêt o bryd i’w gilydd. Yn enwedig pan fyddi di’n dewis yr opsiynau iachach...

Bwyd Indiaidd

• Ceisia osgoi cyri korma a massala, reis pilau, bara naan
• Cer am gyw iâr tandoori, reis plaen, chapatti

Byrgers

• Ceisia osgoi caws, mayonnaise, sglodion
• Cer am byrgers wedi’u grilio ac wedi’u gwneud o gig heb fraster neu bysgod neu byrgers llysieuol. Gofynna am fwy o salad

Bwyd tsieineaidd

• Ceisia osgoi yr opsiynau sydd mewn cytew neu sydd wedi’u ffrio’n ddwfn a reis wedi’i ffrio ag ŵy
• Cer am chop suey cyw iâr, corgimychiaid szechuan, pysgodyn wedi’i stemio

Pizza

• Paid â gofyn am fwy o gaws!
• Cer am bethau fel llysiau, ham, pysgod a chorgimychiaid

Colli pwysau – y ffordd gywir

Meddai Sam...

• Bwyta brecwast bob dydd! Ni fydd ei fethu’n dy helpu i golli pwysau. Y cyfan y bydd yn ei olygu yw y byddi di’n mynd am fyrbrydau’n ddiweddarach yn y dydd.
• Yfa ddŵr, sudd, llaeth neu smwddis yn lle diodydd byrlymog. Mae’r rhai math arferol yn llawn siwgr, ac nid yw’r rhai math deiet yn dda i ddim o ran maeth.
• Yfa 8 gwydraid o ddŵr y dydd – nid oes unrhyw galorïau ynddo! Mae symptomau dadhydradu’n debyg iawn i chwant bwyd.
• Bwyta bum dogn o ffrwythau a llysiau y dydd. Mae hyd yn oed gwydraid o sudd oren yn cyfrif!
• Mae’n iawn cael trêt o bryd i’w gilydd, ond paid â seilio dy ddeiet yn llwyr ar sglodion!

Colli pwysau - y ffordd anghywir

Meddai Sam...

• Paid â mynd ar ddeiet! Yn lle hynny, ceisia wneud mwy o ymarfer corff a bwyta'n gall. Mae hyn yn golygu bwyta digon o fwydydd â starts (bara, pasta), digon o ffrwythau a llysiau, ac ychydig o gig, pysgod a chynhyrchion llaeth.
• Ceisia osgoi unrhyw 'ddeiet' sy’n cyfyngu ar faint o gynhyrchion llaeth yr wyt ti’n eu bwyta. Mae angen calsiwm ar esgyrn sy'n tyfu!
• Mae angen mathau penodol o fraster ar dy gorff i edrych a theimlo’n iach. Ond cofia fwyta llai o fraster dirlawn (sydd i’w gael mewn bwydydd fel menyn, caws caled, darnau o gig â llawer o fraster, toes, bisgedi a chacennau) a bwyta'r bwydydd hyn fel trît o dro i dro yn unig.
• Nid yw deietau eithafol (crash diets) yn gweithio yn y tymor hir, a buan iawn y byddi di'n magu'r holl bwysau yn ôl eto! Y ffordd orau i gynnal dy bwysau delfrydol yw newid dy ffordd o fyw yn raddol.